ⓘ 吴越文化

苏南

苏南 ,指江苏南部,主要是三个城市:苏州、无锡、常州。注意:南京、镇江非吴语城市,地理勒勒苏南,文化弗是苏南。但是,从南京人看来,苏南文化弗等于吴文化,如果讲南京镇江弗属于吴文化,各能更贴切一眼

江浙

江浙 ,往往拨认为是 江 苏搭仔 浙 江个合称,而更早则是长" 江”搭仔" 浙”江个合称,意为长江与浙江个江浙一带。实际浪历史浪文化浪苏南搭仔浙江有非常大个一致性,而地理位置靠仔一道,葛老旁人看上去呒么区别,统称 江浙 ,或者叫 吴越 。

太平府 (安徽省)

太平府 ,又有 鳩州 或 鳩茲 个称呼,是明清辰光个一个府,位置来勒长江个南面,靠近南京。辖区搭现在安徽省个马鞍山市、芜湖市个总体相近。是淮西文化搭吴越文化结合各地区。来勒太平天国战乱当中,人口损失邪气大,让当地个语言结构向江淮官话迅速靠拢。

宁国

宁国是皖南进入两浙路个关键。从此地东到浙江安吉、临安,往北,搭广德、宣州挨牢,西面搭西北,搭仔泾县旌德挨牢,西面,有绩溪接壤,可谓" 上通徽杭,下达京芜”。从老早个辰光开始,就有" 芜屯通衢”" 徽宣屏障”个讲法。。

江南水乡古镇

一般是指吴越地区个小镇,民居以砖木结构为主,粉墙黛瓦、倚河而建。江南水乡古镇是江南地区最具代表性个特征,侪以深邃个历史文化底蕴、清丽婉约个水乡古镇风貌、古朴个吴侬软语民俗风情,勒世界浪独树一帜。

勾践

勾踐(又寫作句踐;勒出土文物" 越王勾踐劍”浪寫作鳩淺;司馬貞引作菼執),是中國春秋時代後期個越國君主。有關俚個先世,有講" 其先禹之苗裔”,也有講" 先世無所考”,也有講俚是" 祝融之後”而且是楚國個羋姓,眾說紛紜。俚個爺是越侯允常。生年弗詳,前496年到前464年在位。

洪武赶散

洪武赶散 (洪武大移民),是明帝国创立初期,由朱元璋强制下一场针对吴越人个移民事件。主要是拿吴越地区个人口强制迁徙到江淮地区。

越南历史

越南历史 悠久,据考古资料显示,越南拉旧石器时期已有先民活动,拉公元前700年左右出现东山文化,较重要个民族有雒越人。越南神话传说提到约四千年前出现最早个王朝鸿庞氏。中国秦汉时期接触并征服北部(红河三角洲)搭中部后,越南情况有得可靠个文献记载。从公元前3世纪晚期到10世纪前期,越南处拉中国统治下头,中国文化大量输入。乃朝个越南中、南部地区,曾有占婆国存在(2至15世纪),南部个湄公河三角洲一带曾为扶南、真腊(柬埔寨)等国个领土。 938年,吴权拉白藤江之战打败中国南汉军队,是次战役为越南独立过程中个重要一步。968年丁部领建立大瞿越国,越南正式独立建国。后头越南进入封建时期,经历丁朝、前黎朝、李朝、陈朝、 ...

                                     

ⓘ 吴越文化

吴越文化,又叫" 江浙文化”,是指江浙地区个地域文化。吴越文化区以太湖流域为中心,俚个范围大致包括今朝个苏南、江西东北个上饶地区,安徽个徽州搭宣城还有浙江全省, 及上海市,基本浪搭整个吴语区差弗多。吴越文化要是细分可以分为" 吴文化”搭" 越文化”,两者同源同出。

对应吴语个吴越文化形成于周代,到之两晋开始受到北方文化个影响。唐代吴越经济开始超过北方,影响力进一步扩大。搿许辰光,原来北方汉文化勒北方地区因为战争搭几次少数民族统治当中畀淡化哉,所以,吴越文化又保留之弗少传统中国文化。譬如说,吴语比较细软优雅,有吴侬软语、南方雅言个美称;吴越饮食以香甜可口为特征,搭香辣为主个西南、干煮炖为主个北方饮食形成鲜明个对比;吴越地区辈出文人墨客搭科学家,古代状元跟现代个科学院院士吴越地区要占近2/5。

吴越人性格外柔内刚,为人谦和,注重礼节,但不过勒有种战争当中又表现出英勇个气节:譬如说明末个" 反清复明”抗清运动当中,江阴、嘉兴人民英勇抗清,与城俱亡,也让满清侵略个战争勒江南遇到阻碍。嘉兴地区付出之七百万人大屠杀个代价(大屠杀前嘉兴全府拥有850万到900万人口),也让吴语出现巨大的丢失。嘉定人民为之反抗清军入侵,畀三次屠杀,史称" 嘉定三屠”。" 反清复明”个运动勒吴越地区一直持续到清朝灭亡。

吴、越两国史实见诸文献,始自春秋。春秋、左传、国语等史书侪有记载。吴王阖闾都于姑苏,越王勾践都于会稽,搿是史书浪侪注明个。吴都最初个地望,文献浪记载是周太伯奔吴,初居梅里,后居姑苏,搿两个地方侪勒苏州、无锡当中,属于太湖地域。

                                     

1. 历史

从考古资料来看,吴越文化个渊源可以推溯到旧石器文化时期。1985年春吴县今苏州市吴中区三山岛发现个一处旧石器时代文化遗址,是长江下游首次发现个旧石器地点,为之研究吴越文化个起源提供之重要资料。

从苏南个武进、无锡、常熟、苏州、吴县、宜兴到浙北个嘉兴、湖州、德清、临安,余杭,再到钱塘江南岸个萧山、诸暨、慈溪、绍兴、上虞、余姚等地个山顶浪,密布之弗少石屋建筑,时代从西周到战国个辰光。不论俚哚有啥用场,搿个范围内侪有搿种石屋建筑。从俚个形制、出土器物相同来看,俚哚应该是同一性质个文化遗迹。说明吴、越文化勒上古个辰光就是一体个。

早勒春秋时代已经有吴国搭越国两个国家,搿许辰光互相争霸。一直到汉朝,一般对吴越文化个印象是粗犷尚武。

从三国个辰光开始因为孙权建立个吴国,加上中原不断个战乱,弗少原来住勒黄河流域个人侪南下,一直到南北朝,也让江南一带个人口弗断增长。南渡个人拿本来是中原个士族文化带进江南,让吴越文化开始带有一种书生个气息。

搿许辰光吴越文化主要是以玄学为主,是西晋亡国之际士人南迁个辰光,由中原带入江南,畀称为江左玄学。

唐亡以后,中原搭江南一带各自分裂几花个小国。其中南方因为经济相对稳定,加上搿许辰光又有一批北方人口南迁,让江南一带个经济、文化开始超越北方。中原士族对温婉、清秀、恬静个追求,慢慢较渗入之吴越文化,形成之吴越文化独有个气质。

明清时代因为经济重心勒江南,吴越文化勒全国占之最重要位置。搿许辰光个吴越文代具有浓厚个书卷气息,其中勒明代,苏州就出之唐伯虎、文征明、祝枝山、徐祯卿等四大才子;而流行于清代个考据学正是以江南人为代表个。

进入近代,江南经济逐步集中于上海。因为全国各地人个聚居,加之外来文化个影响,吴越文化逐渐形成之以上海为中心。民国时代弗少著名文化人物侪勒上海活动,譬如说鲁迅,基本浪,上海人个文化变成之吴越文化个领头羊。

                                     

2. 传承

吴文化”搭" 越文化”" 同俗并土、同气共俗”,逐渐勒相互交融、激荡、流变跟集成中形成统一个文化类型。从文化个源流搭发展来看,传统个吴越文化,是海派文化再到现今朝个长三角文化个渊薮搭根基,后者是前者个延续搭新生。搿点为之进一步把握吴越文化个内涵、特质搭其价值取向,勒长三角地区一体化进程当中推进文化整合,提供之历史搭现实的依据。

                                     

3. 文化影响

唐朝灭亡过后,东亚进入之一个崭新个时代。从帝国统治下解放出来个东亚各民族纷纷建立之自家个民族国家。吴越国勒嘞今朝个浙江搭苏南一带。从886年开始,钱氏家族勒搿一地区保持之近百年个统治。钱氏父子鼓励农耕、修筑水坝、兴佛重教。勒搿许辰光东亚各国当中,吴越国是国运最长久,人民最安宁,经济最繁荣个国家。而杭州,搿个唐朝统治个辰光个三等小城,也勒搿个短短几十年当中一跃成为之十几万人家个大都会,畀称为" 东南第一州”。

勒吴越民间建有弗少钱王庙、海神庙,一直到今朝还是香火弗断,钱王畀当作神灵供奉勒庙堂,搿个人间个吴越国国王勒吴越百姓个信仰当中,替代之能呼风唤雨个海龙王。 越州,浙东个中心,粮食个重要产地。钱镠勒位期间重兴水利,发动民工修治鉴湖。

东亚佛教勒晚唐个辰光受到之致命性个打击。唐武宗会昌灭佛,让佛教勒北方几乎铲除脱哉。不过今朝伲能勒吴越地区看到大量搿个辰光个佛像、佛塔。钱氏家族个尊佛重教让佛教南下,并勒吴越国境内重新兴盛起来。也让吴越成为之著名个" 东南佛国”。

吴文化搭越文化,侪起源跟发展于长三角地区。勒古代,吴搭越是活动勒今朝长江以南个东南地区个原始居民,是东南地区个两个土著部族。根据历史浪个记载搭考古发掘的资料,证明搿两个部族实际浪同属于古越族 -" 百越”,是" 百越”个分支。百越是中国个一个古老民族,分布勒东亚东南搭南部。" 自交趾至会稽七、八千里,百越杂处,各有种姓”。吕氏春秋 恃君篇高诱注云:" 越有百种”,其中于越、勾吴、杨越、闽越、南越、东越、山越、骆越、瓯越等,侪是越族中著名个分支。百越支系虽然繁多,但不过有弗少相同个地方。吴文化搭越文化虽然分别勒江浙弗同地区,但同属长江文明个支流,勒历史发展过程中相互吸纳,相互交融。越绝书记载说:" 吴越为邻,同俗并土”、" 吴越二邦,同气共俗”。吴越春秋 夫差内传云:" 吴与越,同音共律,上合星宿,下共一理”。吕氏春秋 知化亦云:" 夫吴之与越也,接土邻境,壤交通属,习俗同,言语通”。经古籍记载搭考古证实,可以看出吴越的相同特征:一是稻作文化相同,由于气候地理侪适于稻作生长,水稻种植都成为之吴越个主业;二是淡水养殖业相同,因为地处水乡泽国,有得天独厚个渔业资源,渔业就成为之吴越个经济重要行业。林乃燊指出:" 真正个淡水养殖业,大概起源勒春秋时个吴越”。三是制造工艺相同,吴越侪制造几何印文陶器。现代出土个" 夫差自乍其元用剑”(现藏中国历史博物馆)搭" 越王勾践自乍用剑”(现藏湖北省博物馆),其制作工艺水平搭风格特征侪呣没几花大个差别;四是语言相同,吴越古语都是讲越语,吴语是随之历史个发展演变而来;五是习俗相同,如史记 吴太伯世家记载:" 太伯、仲雍二人本荆蛮”后" 文身断发”,而史记 越王勾践世家也有" 文身断发,批草莱而邑焉”个记载。搿种习俗固然搭图腾崇拜有关,也反映出吴越先民个审美意识。另外,勒葬俗浪,土墩墓搭石室土墩墓是吴越地区相同个埋葬方式。



                                     

4. 文化符号

1:吴语,以绍兴话,苏州话,上海话等最为典型

2:昆曲,世界文化遗产,600年历史,百戏之祖

3:越剧:现今中国第二大戏曲剧种,以爱情为主题,以婉转柔美的唱腔,儒雅的女小生为主要亮点

4:苏州园林,世界文化遗产

5:梁祝传说 吴越文化

6:白蛇传说

7:师爷文化:绍兴

8:杭州西湖

9:宁波天一阁藏书文化

10:佛教禅宗天台宗

11:吴歌,是文学史上对吴地民歌民谣的总称

12:西塘,堪称"活着的千年古镇

13:乌镇中国江南的封面,传承千年的历史文化

14:河姆渡遗址

15:唐诗之路

16:评弹:又称苏州评弹、说书或南词,是苏州评话和弹词的总称。是一门古老、优美的说唱艺术。

17. 绍兴越窑

18. 江南丝竹

                                     

5. 建筑

吴越文化勒建筑方面个特色,可以追溯到河姆渡木结构房屋。俚个榫卯件加工得相当规整,勒房屋浪弗同个部位用弗同个榫卯;出土个木构残件有几千件,大致可分为柱头搭柱脚榫卯、平身柱搭梁枋交接榫卯、转角柱榫卯、栏杆榫卯、带梢钉的榫卯(用勒受拉杆件)搭企口板(用勒地板)之类,跟据研究,俚哚是干栏式房屋个构件。从遗址判断,房屋长有23米,进深达7米,可能是氏族个" 集体宿舍”。搿表明搿许辰光个木构技术已经经过相当长辰光个发展哉。吴地建筑除脱木结构外还有石室,到现在还有交关多散布勒太湖丘陵中。搭宁镇地区湖熟文化个土墩墓弗一样,太湖地区个土墩墓是石室外加封土,也朆发现内有葬具或人骨。搿点石室大多勒山峰或山脊浪,大小弗等,大个有16米×2米×5米,小个有4米×0.8米×0.5米;多为下宽上窄个狭长形状。吴越春秋搭越绝书中记载有勾践" 拘于石室”,俚勒越国" 走犬若耶,休谋石室”,畀人居住个石室外加封土,可能是为之冬暖夏凉。关于石室个用场有几种意见,有人认为是墓,有人认为是藏军洞,也有人提出多元说。

阖闾为之争霸个需要,听从伍子胥个建议决定修筑一座大城,伍子胥经过" 相土尝水,象天法地”,筑成周长为47里个阖闾大城,现在个苏州城。还围以周长为68里个外郭(越绝书)。2500年来,苏州虽几经破坏搭再度繁荣,但城个基本形状呣没变,盘门、阊门等城门个名称也沿用到今朝,搿份遗产勒世界浪也是罕见个。

苏州园林 - - 狮子林江南园林是以开池筑山为主个自然式风景山水园林,兴盛勒宋明清。以苏州市、扬州市、南京市、无锡市、常州市、湖州市、上海市、嘉兴市、杭州市等城市为主,其中又以苏州最具有代表性,而私家园林则以苏州为最多。

江南园林通常为私家园林,玄武湖是当代仅存的江南皇家园林。著名江南园林有:

苏州 拙政园 留园 退思园 狮子林 沧浪亭 网师园 

无锡 寄畅园 蠡园

杭州 郭庄 汪庄 刘庄

湖州 莲花庄 小莲庄

绍兴 沈园

宁波 天一阁

常熟 燕园

上海 豫园

常州 近园 约园

                                     

6. 教育

江南素以文化教育繁盛著称。江南贡院清代出状元58人,占全国状元总数个52%。明清两代,科举进士个比例当中,江南地区特别是江苏、浙江以及安徽、江西等地一直占有领先位置。

江南有几花著名个书院。四大书院有三个勒嘞广义个江南,即岳麓书院、石鼓书院、白鹿洞书院。其他还有象山书院、丽泽书院、东林书院、明道书院、茅山书院等。



                                     

7. 文学

主要是吴语文学,以海上花列传、海天鸿雪记、何典等为代表。

                                     

8. 名人

吴中四才子:唐伯虎,文征明,祝枝山,徐祯卿

扬州八怪:罗聘、李方膺、李鳝、金农、黄慎、郑燮、高翔、汪士慎

黄宗羲(1610-1695):字太冲,号南雷,学者称梨洲先生。

王守仁(1472-1528):字伯安,号阳明,是明代著名的哲学家和教育家。

严光(公元前37-?):字子陵。

朱之瑜(1602-1682):号舜水,明末清初的著名学者。

陆逊:中国三国时期吴国军事家。

张旭:中国唐代书法家。

张籍:中国唐代诗人。

范仲淹:北宋政治家。

范成大:南宋诗人。

蒯祥:明代杰出的建筑大师。

沈周:明代吴门画派创始人。

文征明:明代杰出画家。

顾炎武:明末清初思想家、史学家。

唐寅:画家、文学家。

祝允明:明代文学家,书法家。

徐祯卿:明代文学家。

柳亚子:中国近代诗人陆游:诗人。

徐渭:文学家、书画家、军事家。

余秋雨:文学家。

章太炎:著名学者。

朱宣咸:美术家,浙江台州人。

徐志摩(1897~1931):现代诗人、散文家。名章垿,笔名南湖、云中鹤等。浙江海宁人。

鲁迅:文学家。

钱穆(1895-1990):江苏无锡人,字宾四,著名历史学家。

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →